Pressemelding
Senterpartiets fylkesårsmøter 2025
Stort oppmøte
Det er venta stort oppmøte på Senterpartiets fylkesårsmøter i år, med over 2 000 delegatar til saman. Alle 17 fylkeslag i partiet har årsmøte kvart år. Østfold Sp starta sist helg, no til helga er det 7 fylkesårsmøter og møta avsluttast med to fylkesårsmøte andre helga i mars.
På programmet står generell politisk debatt, vedtak av fråsegner, val av fylkesstyre og andre årsmøtesaker.
Politiske verkstader
Først på dei fleste fylkesårsmøte er det ein generell politisk debatt. Etter at ein sentral innleiar har halde sin politiske tale, så kan delegatane tala om det som dei har på hjarta og som er viktig for dei og lokallaget deira no.
I 2024 vedtok fylkesårsmøta til saman over 130 uttalar på dei 17 fylkesårsmøta, altså nesten åtte uttalar i snitt. Tema for uttalane spreidde seg over svært mange politiske saksfelt. Alle uttalar og resultat frå fylkesårsmøta vert vidareformidla til både sentralstyret i partiet, alle komitear i stortingsgruppa, samt til regjeringa.
Val av nestleiarar i år
Ikkje alle i fylkesstyret er på val samtidig. I år, som er eit valår, er det 1. og 2. nestleiar, halvparten av styremedlemane samt vararepresentanter for heile styret i nummerordning som er på val. I mellomvalår er det fylkesleiar, studieleiar og resten av styremedlemane som normalt er på val. Fylkesårsmøtet handsamar årsmelding, rekneskap, budsjett samt retningslinjer for partiarbeidet framover.
Svært store fylkesårsmøte
Antal delegatar er rekna ut frå lokallagas rett på delegatar ut frå m. a. talet på røyster i stortingsvalet i 2021, lokallagsleiarar, ordførarar og gruppeleiarar i kommunestyra, fylkesstyra og fylkestingsrepresentantar, talet på medlemar i lokallaget samt fem representantar for Senterkvinnene og fem frå Senterungdommen. Det kan til saman på alle fylkesårsmøta i år vera godt over 2000 delegatar totalt.
Fakta om Senterpartiet
Her finn du fakta om Sp - mellom anna formålsparagrafen, medlemstal, partileiinga, resultat i dei siste tre vala, Sp i kommunar og fylke, Sp på Stortinget og meir om Sps tre nivå:
