Pressemelding

- Bilentusiastane har etterspurt det lenge, derfor foreslår vi no å gjere det mogleg å bruke bilskilt med amerikanske størrelse i Noreg. I tillegg er det foreslått at folk skal sleppe å møte opp på trafikkstasjonen for å hente bilskilt og bevise at bilen kan nytte små bilskilt. Å ha bil som hobby skal ikkje straffast, vi skal legge til rette for det, seier samferdselsminister Jon Georg Dale.

 
- Vi foreslår å gjere det mogleg å bruke bilskilt med amerikansk størrelse i Noreg. No kjem høyringa om forslaget, seier samferdselsministeren. Foto: Tor Livius Midtbø/Samferdselsdepartementet 
Vegdirektoratet har no sendt på høyring eit forslag som skal opne opp for å tillate bilskilt med amerikansk størrelse. Dette gjeld altså skilt med størrelsen 30,38 x 15,36 cm. Bokstavar og tal skal plasserast på to rader.
Bileigarane må bestille skilta frå bilskiltprodusenten som erstatningsskilt. Dette gjeld både ved førstegangsregistrering i Noreg og ved bytte frå anna bilskilt.
I høyringa foreslår Vegdirektoratet å gjere fleire ting enklare for dei som treng små bilskilt eller bilskilt med amerikansk størrelse. Blant anna at bilskilta kan sendast i posten, slik at eigaren slepper å møte opp på trafikkstasjonen. Dei foreslår òg å gå bort frå kravet om at bilen fysisk må visast fram på trafikkstasjonen for å bekrefte at den trenger å bruke andre bilskilt enn dei vanlege. I staden skal bildedokumentasjon vere godt nok.
Høyringsfristen er 22. november. Endringane i regelverket skal etter planen innførast neste vår.
Les heile forslaget frå Vegdirektoratet.
- Vi ønsker òg å gi moglegheit for å lage personlege bilskilt til dei bilskilta som har amerikansk størrelse, og håper å få sendt ut ei høyring neste år, seier samferdselsministeren.